CULTURAS EN DIALOGO LUGO- ARXENTINA/ LUGO URUGUAI

 

 

REDE MUSEÍSTICA 

Encarna Lago, xerente da Rede Museística da Deputación de Lugo, participará mañá día 13 de decembro, ás 11:15 horas (hora portuguesa) no IV ENCONTRO DE MUSEOS PORTUGAL-ESPANHA, co relatorio Proxecto Museos e conexión co Terceiro Sector: Culturas en diálogo Lugo-Arxentina/Lugo-Uruguai da Rede Museística de Lugo. 

Baixo o título Museos e tranformacións sociais, este IV ENCONTRO DE MUSEOS PORTUGAL-ESPANHA vaise desenvolver dende o día 13 ao 15 no Museo Nacional dos Coches de Lisboa e trátase dun evento organizado polos organismos de tutela dos museos dos dous países: a Direçao Geral do Património Cultural e a Subdirección General de Museos Estatales. Estes encontros dos Museos de España e Portugal teñen unha perioricidade bianual, alternando o país de acollida, e teñen como obxectivo principal aproximar os museos dos dous países, propiciando un coñecemento mutuo, coa finalidade de estreitar relacións bilaterais e e promover proxectos conxuntos. Estas xuntanzas de traballo entre profesionais de museos ibéricos contribúen ao desenvolvemento de estratexias de cooperación e de promoción do patrimonio cultural dos dous países, posiblilitando proxectos de investigación, inventario e divulgación desenvoltos na área da museoloxía.  

 

Lugo, 12 de decembro de 2016