O 1 de abril comeza o ‘Ano Castelao 2016’
http://redemuseisticalugo.org/galerias.asp?mat=88&g=Castelao.%20Obra%20no%20Museo%20Provincial%20de%20Lugo
A Área de Cultura da Deputación de Lugo celebra o ‘Ano Castelao 2016’ programando teatro, conferencias e obradoiros que comezan en Lugo o venres 1 de abril (Día das Artes Galegas) e que despois, ao longo do ano, viaxarán polos museos da Rede, polo CENTRAD e por todos os concellos da provincia. O delegado da área de Cultura da Deputación de Lugo, Xosé Ferreiro, presentou a programación prevista xunto a Lucía López, responsábel técnica do programa, Encarna Lago, xerente da Rede Museística Provincial, Aurelia Balseiro, directora do Museo de Lugo, e Brian Rodríguez, representante da Asociación Cultural Juan Casaveteiro de Lugo. O ‘Ano Castelao 2016’ parte da proposta que a Academia Galega de Belas Artes fixo para homenaxear a figura e obra de Alfonso Daniel Rodríguez Castelao.
O ‘ANO CASTELAO 2016’ NOS MUSEOS DA REDE MUSEÍSTICA
O 1 de abril, Día das Artes Galegas, conmemoramos que na mesma data de 1188 se colocaron os linteis do Pórtico da Gloria na catedral de Santiago de Compostela. A Real Academia Galega de Belas Artes (RAGBA), que vén celebrando esta efeméride desde 2015, decidiu dedicar este día a Alfonso Daniel Rodríguez Castealo (Rianxo, 1886- Bos Aires, 1950) para afondar e espallar ao longo do ano esta figura sobranceira, a súa teoría e obra por canto significa para a dignificación de Galicia e das súas formas de expresión.
A Rede Museística será protagonista desta celebración pois moitas destas actividades desenvolveranse nos catro museos que a integran.
PROGRAMA DE ACTIVIDADES (INMEDIATO)
»1 de abril de 2016 / Museo Provincial de Lugo
Aproveitando a mestría de Castelao como caricaturista e a súa relación co mundo cultural da primeira metade do século XX, propoñemos aos visitantes dúas mostras:
•Caricaturas de Castelao de 1914 a 1924. Persoeiros da literatura galega
Reproducimos a tamaño natural e en “cartón” as caricaturas que fixo dalgúns dos artistas dos que existe obra no MPLugo e colocalas durante este ano nas salas en onde teñen a obra exposta como é o caso de Xesús Corredoria, Carlos Sobrino e o propio Castelao.
•A colección de debuxos de Castelao do MPLugo nos libros
Na propia sala dedicada a Castelao no MPlugo pódese contemplar, ademais dunha autocaricatura, un par de vitrinas coas caricaturas que fixo de personaxes da literatura galega a carón de exemplares das obras destes personaxes existentes na biblioteca do MPLugo: Manuel Murguía, Wenceslao Fernández Florez, Sofía Casanova, a condesa de Pardo Bazán, Ramón Cabanillas, Valle-Inclán, Antón Villar Ponte, Vicente Risco, Antonio Rey Soto e López Aydillo.
Estas mostras pódense visitar en horario de apertura do MPLugo, a partir do 1 de abril de 2016.
»1 de abril de 2016 / 20:00 horas / Sala de Exposicións da Deputación
Que comerá o Rei?, con Candido Pazó
Unha sesión de historias e contos inspirados nos textos e debuxos de Castelao. Un espectáculo que, coa palabra como única ferramenta, procura o humor agudo e tenro, a expresión sinxela e sutil e o trazo delicado e potente do xenial artista.
Nota: este espectáculo ten programadas varias función por diversos concellos da provincia (ver Programa xeral)
+PROGRAMA COMPLETO ‘ANO CASTELAO 2016’ NA REDE MUSEÍSTICA
+DOCUMENTACIÓN
Botella Ao Mar Domingo, 17 de maio de 2009: Día das Letras Galegas Horario de apertura: De 11:00 a 14:00 horas “ Un museo cheo de libros ”. Para conmemorar o Día das Letras Galegas dedicado este ano a Ramón Piñeiro, a persoa visitante poderá levar para a súa casa un libro en galego (ata fin de existencias), un agasallo escollido entre os fondos editados polo Servizo de Publicacións da Deputación de Lugo. Contacontos 12:00 h: O espectáculo da palabra , por Cándido Pazó Visita guiada 16:00 h: Visita guiada para os integrantes do grupo “ Museos e turismo, unha viaxe polos museos da Rede Museística da Deputación de Lugo ” Luns, 18 de maio de 2009: Día Internacional dos Museos Horario de apertura: De 11:00 a 14:00 h e de 17:00 a 20:00 h Haberá agasallos para as persoas visitantes que se acheguen ao museo nesta data. Botella ao mar De 18:00 a 20:00 h: Obradoiro literario a cargo de Paco Rivas . Todas as mensaxe