MAÑA MODERAREI A MESA DAS I XORNADAS LUCENSES DE ACCESIBILIDADE AO PATRIMONIO E PROMOCIÓN DO TURISMO ACCESIBLE NA REDE MUSEÍSTICA MUSEO DE LUGO ORGANIZADAS POR AUXILIA

Este venres, 8 de novembro de 2013, vaise desenvolver no Museo Provincial de Lugo a I Xornadas Lucenses de Accesibilidade ao Patrimonio e Promoción do Turismo Accesible. Entrada libre, ata completar aforo. Con estas xornadas, AUXILIA Lugo pretende conxugar dous aspectos, os cales non poden ser separados, son complementarios: a accesibilidade ao patrimonio vai ligado estreitamente á promoción do turismo para todos. Débese facer un plan de actuación para lograr os máximos niveis posibles de accesibilidade sobre o patrimonio, aproveitando a rehabilitación de edificios e monumentos para incluír accesibilidade e así adaptar o seu acceso ás persoas con algunha discapacidade. O acceso ao turismo e ao lecer é un dereito que un gran número de persoas, entre elas as que teñen algunha discapacidade, non pode exercer con normalidade Conseguir un turismo accesible xorde da reivindicación do dereito da poboación con discapacidade á autonomía e integración tamén no lecer e no turismo. A posibilidade de acceso á oferta turística para as persoas con discapacidade non debe entenderse nin utilizarse como un elemento de segregación deste colectivo, senón que debe ser visto como un avance da comodidade para todos os usuarios. OBXECTIVOS DAS XORNADAS Concienciar á cidadanía sobre a importancia da accesibilidade universal como elemento de igualdade social Desde o máximo respecto e sendo conscientes da súa complexidade, reivindicar actuacións para lograr a máxima accesibilidade posible sobre o patrimonio monumental para garantir o dereito de todas as persoas, independentemente das súas capacidades, de gozar da nosa herdanza cultural . Expor exemplos de boas prácticas en materia de promoción do turismo accesible Beneficios e vantaxes do turismo accesible Promoción de Lugo como cidade para todos Organizan: Auxilia, Aspaym Galicia e concello de Lugo Colaboran: Área de Cultura e Turismo da Deputación de Lugo e Rede Museística Provincial »»(» Programa completo)  Enlaces de interese: 2076_PROGRAMA I Xornadas lucenses de Accesibiloidade ao patrimonio.jpg < voltar