Blog de Encarna Lago

http://www.slideshare.net/redemuseisticalugo/listado-artistas-2015 [slideshare id=50894543&doc=listadoartista2015-150724161403-lva1-app6892&type=d] Listado artistas 2015 from redemuseisticalugo

Organizados pola Rede Museística Provincial, o vindeiro luns, día 27, ás 20:30 horas, na praza dos Fillos de Antón de Marcos, terá lugar unha nova sesión dos CONCERTOS FLORAIS NOS XARDÍNS DO MUSEO PROVINCIAL DE LUGO , actividade que se celebra durante varios luns dos meses de xullo e agosto. Esta terceira sesión estará a cargo do grupo  LUCUS ENSEMBLE,  cun repertorio con temas de Bela Bartok, Brahms ou Piazzola entre outros.    A entrada a este acto é libre e gratuita.

Do  2 ao 26 de xullo, pode visitarse na Sala de Exposicións do Pazo de San Marcos  ESCRITOS NA FLORESTA. ÁRBORES SENLLEIRAS NA CULTURA CHAIREGA , mostra da que é autor Ricardo Polín e que está organizada polo Instituto de Estudios Chairegos. Esta exposición   está organizada en  3 seccións ,  que se  corresponden cos aneis ou partes dunha árbore:  a raíz, o tronco e as pólas.  Cada unha delas representa un conxunto de árbores clasificadas. O anel “A raíz” correspóndese coas árbores históricas, o anel “O Tronco” correspóndese coas árbores monumentais e o anel “As Pólas” coas árbores literarias. No pazo de San Marcos exponse a  primeira sección composta por 20 paneis (A RAÍZ) , acompañados de fichas culturais específicas sobre cada unhas destas árbores sen par. O deseño e a maquetación dos paneis son obra de Arturo Gómez Mato, e a achega cartográfica, de Antonio Figueroa.

Organizados pola Rede Museística Provincial, o vindeiro luns, día 6, ás 20:30 horas, na praza dos Fillos de Antón de Marcos, dará comezo unha nova edición dos  CONCERTOS FLORAIS NOS XARDÍNS DO MUSEO PROVINCIAL DE LUGO , actividade que se vai desenvolver durante varios luns dos meses de xullo e agosto. Esta primeira xornada estará a cargo do grupo  VOLUTA QUINTETO (integrado dentro da Asociación  Lucus Ensemble ) formado por  violonchelo, guitarra, clarinete, clarinete baixo e percusión. O repertorio estará composto por temas de bandas sonoras, boleros, tangos e música brasileira, todos eles moi coñocidos, que nos axudarán a pasar unha velada moi agradable na tarde –noite do vindeiro luns. A entrada a este acto é libre e gratuita.

Despois do éxito acadado nas anteriores convocatorias, este ano vaise desenvolver, unha vez máis, nos diferentes museos que integran a Rede Museística da Deputación de Lugo unha nova edición, a IV, de ESTUDIO ABERTO. PROXECTO DE RESIDENCIAS ARTISTICAS, actividade que fixo da Rede Museística un referente do apoio á creación e a produción artística. Nesta ocasión, foron seleccionados, entre un elevado número de participantes que poñen de manifesto o éxito desta convocatoria, os seguintes artistas: 1.- MELANIA FREIRE (para o Museo Etnográfico de San Paio de Narla) 2.-NURIA RUIBAL (para o Museo Etnográfico de San Paio de Narla) 3.-ROMÁN CORBATO (para o Museo Provincial del Mar) 4.-MARÍA PRADA (para o Museo Provincial del Mar) 5.-MIGUEL BENJUMEA (para o Museo Pazo de Tor) 6.-OLALLA CASTRO & NICOLETA MOISE (para o Museo Pazo de Tor) 7.- JUAN ANTONIO CEREZUELA (para o Museo Provincial de Lugo) 8.-MARISOL MAZA (para o Museo Provincial de Lugo) Como suplentes figuran:...