Entre as actividades organizadas pola Rede Museística da Deputación de Lugo dentro do tecido social, como resultado a aplicación da Museoloxía Social na que esta Rede é unha das pioneiras en Galicia, e con motivo da semana do Orgullo LGTBIQA+LUGO DIVERSX, mañá mércores, día 27, vai ter lugar a actividade MARAVILLOSAMENTE DIVERSXS, pois en 73 países aínda seguen a estar penalizadas as relacións afectivas entre persoas do mesmo sexo e ata nos que están xuridicamente protexidas, prodúcense agresións e ataques, tanto directos como indirectos. Todxs temos dereito a vivir sen sermos perseguidos, rexeitados, ridiculizados, insultados, afastados, pola nosa condición sexual. Ás veces o medo ao rexeitamento dos demais fai que nos rexeitemos a nós mesmos, e só cando nos aceptemos a nós mesmos, poderemos vivir en liberdade a nosa individualidade conquerindo persoas, familias, cidades, comunidades, planetas MARAVILLOSAMENTE DIVERSXS. Esta actividade, coordinada por Encarna Lago, vai ser realizada por Leonardo Casado, Licenciado en Museoloxía e director do Museo de Berazategui, leva por título El color de la diversidad, pois parte do feito de que a cor ten un valor artístico, social e político. As cores son parte da nosa vida cotiá porque falan da nosa historia, do noso camiño percorrido e, sobre todo, dos nosos soños persoais, asi como tamén dos colectivos. Está actividade está dirixida a familias e vaise desenvolver no Museo Provincial de Lugo, de 19:00 a 20 horas.
