Free counter and web stats

sábado, 3 de junio de 2017

Convocatoria de participación a Nos+outrxs en Rede -Lugo Diversx

E
arelas-logo.pngConvocatoria de participación a Nos+outrxs en Rede -Lugo Diversx
A Deputación de Lugo a través da Rede Museística da Deputación Provincial de Lugo xunto con Arelas, asociación de familias de menores trans*, organiza unha convocatoria aberta á participación para a celebración o Día do Orgullo LGTBI: Lugo Diversx, unha exposición que manifesta a visibilidade e o respecto da diversidade.
Esta acción forma parte do proxecto colaborativo Nós + outrxs en rede realizado a partir do compromiso de colectivos, artistas e institucións (Rede Museística e Museo Thyssen) sobre as cuestións de museos , educación, xéneros e identidade.
1.    Destinatarixs
Esta convocatoria vai dirixida a artistas plásticxs, fotógrafxs, escritorxs, etc… que desexen manifestar o seu apoio á causa LGTBIQ cunha obra, unha fotografía, un relato ou un poema, que represente a pluralidade sexual da nosa sociedade e o dereito a vivila en liberdade.
2.    Formato de entrega
As achegas terán o seguinte formato
A.   En caso de participar con obra plástica, se enviará unha imaxe en jpg, cunha resolución de 300 dpi (ppp) e un tamaño de 297 mm (ancho) x 420 mm (alto), o que é o mesmo, de A3 vertical.

B.   En caso de enviar un texto, para que a súa lectura sexa a correcta, o contido non excederá os 850 carácteres ou as 150 palabras e será gardado nun arquivo de formato doc.

3.    Envío
Os arquivos serán enviados ao correo electrónico redemuseistica gmail.com, xunto cos seguintes datos persoais: Nome completo, DNI, enderezo postal e teléfono de contacto
4.    Prazo
O prazo remata o 11 de xuño de 2017.
5.    Exposición Nos+outrxs en Rede “ Lugo Diversx”
As achegas seleccionadas serán expostas en formato A3 nun tendal pola diversidade nos diferentes museos da Rede Museística Provincial de Lugo: Museo Fortaleza San Paio de Narla, Museo Provincial do Mar, Museo Pazo de Tor, Museo Provincial de Lugo, do 23 ao 30 de xuño de 2017.