Free counter and web stats

miércoles, 24 de agosto de 2016

GRACIAS SOLEDAD VARELA ORTEGA POLA SÚA XENEROSIDADE COA REDE MUSEÍSTICA

E
Dúas pezas  do pintor lucense Xesús Rodríguez Corredoira  foron doadas a Rede Museística .
 A doazón, foi feita por Soledad Varela Ortega, neta do filósofo Ortega y Gasset, con motivo do décimo aniversario da creación da Rede Museística da Deputación de Lugo.
 Os dous cadros retratos de mulleres galegas son :Retrato de Consuelo Feijoó e Retrato de Andrea Varela, complementan as diferentes creacións da colección de Corredoira que posúe o Museo.

 Temos que destacar a xenerosidade de Soledad Varela Ortega e a importancia para ao museo de que alguén quere que retratos da súa familia formen parte da Redemuseística.


Jesús Rodríguez Corredoira
Nado en Lugo o 5 de abril de 1889, é un dos artistas máis importantes da nosa provincia. Aos catorce anos, Rodríguez Corredoira foi bolseiro pola Deputación de Lugo para estudar en Madrid. Ao longo da súa andaina artística, foi adquirindo influenzas dos seus mestres como foi o caso de Sorolla e Zuloaga, entre outros artistas cos que conviviu en Madrid. Aparece moi identificado coas ideas da Xeración do 98, ofrecéndonos unha visión da España negra, a través dos seus personaxes atemporais, deformados e espiritualizados.

A súa etapa mística coincide cos anos vividos en Lugo, na que pinta cadros de gran formato utilizando os fondos de base negros, con figuras cunhas carnacións dun branco espectral, influenciadas pola pintura de El Greco. A súa privilexiada posición social lle levará a converterse no pintor da burguesía e do clero, deixando patente a súa orixinal faceta de retratista. O pintor faleceu en 1939 en Portela de Roxos, Santiago de Compostela.