Free counter and web stats

sábado, 7 de noviembre de 2015

DIA ONCE ENCARNA LAGO IMPARTIRÁ UN OBRADOIRO DE ARTE PARA BEBÉS PAIS/NAIS NA REDE MUSEÍSTICA CONTARÁ COA COLABORACIÓN DE NEREA CIRUELOS , TANIA ALEXANDRA VAZ , TANIA MARTINEZ DE ALBURQUERQUE E PAULA ROZAS .

E

Obradoiros de arte para bebés e nais/pais

XUSTIFICACIÓN
No museo abrimos ás portas aos bebés e aos seus “maiores” para que empecen a experimentar novas sensacións relacionadas coa arte e a creatividade.
OBXECTIVOS
  • Propor novas formas de achegamento á arte e ás experiencias creativas dende os primeiros anos de vida
  • Proporcionar alternativas culturais e creativas aos pais con fillos de curta idade
  • Promover a experimentación e a interpretación do patrimonio dende unha perspectiva diferente.
DESENVOLVEMENTO
Tras unha breve acercamento a varias obras inspiradoras que sirvan de punto de partida para propostas creativas as nais/os pais cos seus bebés disporán dun recuncho multisensorial para experimentar e interpretar a arte de primeira man.
Obras: ESCULTURAS: Mariñeiros na Brega, Peixe, Torso alado e PINTURAS: O Mercado, Borrego, Paisaxe de Betanzos, Mariña cunha boia, Céltico e “Agoi”.
Recuncho multisensorial:
(Xa o podo deixar preparado eu) Cubrir un espazo con material plástico ou de tecido resistente para que os bebés poidan sentarse no chan. Distribuír fotos das obras mencioadas en grupos:
  1. Mariñeiros na Brega (Juan Puchades) + Peixe (Nespereira)
Panel táctil que recrea a rugosidade das obras e o seu significado (tactos de lixa, estropaxo, esponxa, metal, son do mar, caracolas/cunchas…). Efectos de luz no metal…
  1. Mercado (J. Cruz Herrera) + Borrego (Antonio Fernández)
Botes sensorias, texturas, música, alimentos, luces que evoquen os animais presentes na obra, o ambiente.
  1. Céltico I (Raimundo Patiño) + Agol (Maruja Mallo)
Seguindo as liñas e as pinceladas moveranse os brazos e o corpo dos pequenos para que traballen a psicomotricidade. Ao mesmo tempo faranse pompas de xabón.
  1. Paisaxe de Betanzos (Francisco Florens) + Mariña cunha Boia (Eliseo Muifrén)
Espazo de creación:
Cubrir o espazo que quede libre con papel de rollo e distribuir material de pintura por áreas para que cada bebé poda comezar a usalo coa guía dos pais.
Deixar pedazos de plastilina máis tarde para que os bebés impriman as súas máns/ pés…


METODOLOXÍA:
  • Materiais:
    • Rincóns de percecpión de obras de arte multisensoriais
Material plástico ou de tecido resistente para que os bebés poidan sentarse no chan.
Botes sensoriais: 10 botes de plástico; recheo para 5 botes.
Bolsas sensoriais: 1 paquete de bolsas para conxelar. Gomina para o pelo para encher 6 bolsas.
3 ou 4 linternas (ou calquera outro obxecto apto para bebés con luz)
Como mínimo 5 Retais de tea azul, branca, verde e outras cores.
2 botes de pompas de xabón.
(Outros materiais adicionais xa están na aula de didáctica)
  • Espazo de creación
Material plástico ou de tecido resistente para que os bebés poidan sentarse no chan.
Ceras 3D (ceras de cor con formas: esfera…)
Pintura para mans
Toalliñas húmidas/ rollo de papel.
(Outros materiais que están na aula: plastilina )
  • Temporización
  1. Introdución: Explicar aos pais que imos facer un percorrido por algunhas obras do museo dun xeito atractivo para os bebés, con elementos tactis, sonoros e visuais que evocan as sensacións das obras. Despois os bebés poderán experimentar con pinturas, ceras…As obras que se usarán serán:
ESCULTURAS: Mariñeiros na Brega, Peixe, Torso alado e
PINTURAS: O Mercado, Borrego, Paisaxe de Betanzos, Mariña cunha boia, Céltico e Agoi. (Pódense ensinar fotos ou Power Point coas obras)
**(Opcional e só se é un problema levar a moitos pequenos: levar ao pais e aos bebés a ver as obras mencioadas, na primeira planta)


  1. Presentación do recuncho multisensorial: espazo con áreas temáticas que evocan as obras fotografadas. Explicar aos pais que cada área está adicada a unha ou varias obras e os obxectos que hai nelas son para evocar as sensacións que nos producen as obras: o tacto, o gusto, a luz/cor, sons…


  1. Os pais levarán aos bebés por tódalas áreas para que experimenten cada obra.


  1. Avisarase aos pais de que se comezará co espazo de creación e se colocarán os materiais (papel extendido no chan, a continuación poñer ceras 3D, pintura de mans, tizas húmidas repartidas polo papel )


  1. Pedir aos pais que elixan unha zona para que o pequeño vaia probando as ceras, que as pinturas para mans se poden usar tamén cos pés…etc Cada nai/pai pode aportar algo e levarse un cachiño da obra colectiva.


  1. ** Se hai tempo pódese repartir cachiños de plastilina para que os pequenos deixen pegadas coa man, pés… despois usarase fixador para que queden estables, os pais poden axudar e decorar a plastilina e rematar a obra máis tarde.


  1. Remate da actividade e reparto da obra: pódese recortar unha parte do papel para cada bebé.