Free counter and web stats

martes, 13 de octubre de 2015

EXPOSICIÓN: _adaptándose. Empoderando ás persoas con discapacidade a través da arte Este xoves, 15 de outubro, ás 17:00 h., inaugúrase no Museo Pazo de Tor

E
EXPOSICIÓN: _adaptándose. Empoderando ás persoas con discapacidade a través da arte
Este xoves, 15 de outubro, ás 17:00 h., inaugúrase no Museo Pazo de Tor, Monforte de Lemos, a exposición “_adaptándose. empoderando ás persoas con discapacidade a través da arte”.
Trátase do resultado do proxecto Artability que durante dous anos se veu desenvolvendo co obxectivo de aumentar a participación social das persoas con discapacidade, mellorar o sistema educativo de adultos e facer unha análise comparativa europea sobre o impacto da arte na vida destas persoas.
Organiza: COGAMI (Confederación Galega de Persoas con Discapacidade)
Monitores: Purificación Salvador Rebolo, Javier Rey Feijoo, Javier Varela Quintás e Cristina Alonso Barreiro.
Formación: Encarna lago González, Paula Cabaleiro, Adrián Pérez Lago e Cristina Fernández Lamela.
O proxecto Artability supuxo para COGAMI-Lugo a apertura dunha fiestra á creatividade, á exploración das propias capacidades, á mellora na nosa estima, á adquisición de novos coñecementos ... sería difícil enumerar todos os beneficios que supuxo para nós. A arte entrou nas nosas aulas de repente, e aínda que ao principio nos produciu algo de desconcerto, pronto se converteu en algo cotiá e incluso necesario.
Aínda que o importante foi o camiño, queremos amosarvos con esta exposición o traballo feito durante estes dous anos.