Free counter and web stats

sábado, 30 de agosto de 2014

Clausura Estudio Aberto 3

E

clausura da mostra ESTUDIO ABERTO 3

amosando os traballos dos reclusos do Cárcere de Bonxe 

Paula Cabaleiro e Encarna Lago (coordinadoras da residencia artística)

impartiron un obradoiro teórico-práctico partindo da mesma idea de <compartir>


 

[ Paula Cabaleiro e Encarna Lago, coa peza realizada polos reclusos/as do Cárcere de bonxe ]

 

A  TERCEIRA  EDICIÓN  DO  PROGRAMA  DE  RESIDENCIAS  ARTÍSTICAS

 

Mañá domingo 31 de agosto, Estudio Aberto 3 bota peche á mostra resultante desta terceira edición de residencias artísticas na Sala de Exposicións do Pazo SanMarcos da Deputación de LugANA ARREGUI (1983, Sevilla), RUBÉN PÉREZ POMBO (1985, Lugo), ANNA KATARINA(1976, Estocolmo-Suecia), ADRIANA PAZOS(1971, Montevideo- Uruguay), FÉLIX CARPIO(1983, Gijón-Asturias), BASILISA FIESTRAS(1985, Pontevedra), MARCELA MASTROIANNI (1985, Buenos Aires-Argentina) e MARÍA XOSÉ DOMINGUEZ(1967-Santiago de Compostela): 8 artistas chegados de todo o mundo crearon en directo entre o 1 e o 7 de agosto obras depintura, escultura, fotografía, vídeo, debuxo, instalación performance, que se poden observar ata a mañá deste domingo.

 

Coordinado por Paula Cabaleiro e Encarna LagoEstudio Aberto 3 foi un proxecto de apertura e diálogo. Unha sala transformada en espacio de creación (para os artistas) e de diálogo (para co público), ademáis de lugar para a cocreación, a participación e o enredo (entre os creadores e a cidadanía). Novamente, a Rede Museística Provincial e a Área de Cultura e Turismo da Deputación de Lugo demostran a relevancia do apoio á produción artística, tecendo cultura e vínculo co público da cidade de Lugo.

 

UN  ESTUDIO ABERTO QUE  CHEGOU A  UN ESPAZO RECLUSO:  BONXE

 

Como continuidade desa liña de diálogo e cocreación coa toda a cidadanía, o pasadomércores 20 de agosto o programa de residencias artísticas Estudio Aberto deRede Museística Provincial e a Área de Cultura e Turismo da Deputación de Lugosaía da Sala do Pazo San Marcos onde se pode visitar a mostra resultado desta terceira edición, para achegar a arte contemporánea a través da creación ao Cárcere de Bonxe.Dentro do bloque "Arqueoloxías Emocionais", esta actividade formaba parte do proxecto Museos Públicos 25.2 que a Rede Museística leva desenrolando dende o 2012 co Centro Penitenciario de Bonxe (Lugo), nacendo co obxectivo deachegar os museos a colectivos que non son, tradicionalmente, usuarios dos mesmos, coa premisa de colaborar na integración social a través da cultura. Deste xeito, un proxecto como Estudio Aberto 3, que abría as portas ao público dun espazo íntimo, de creación e reflexión, como é o estudio dun artista, adentrábase agora nun espazo pechado e de reclusión para achegar a arte contemporánea a través da experiencia.

 

Paula Cabaleiro e Encarna Lago(coordinadoras do programa de residencias artísticas) visitaron o cárcere coa intención de que os reclusos coñeceran e entenderan que é Estudio Aberto, en que consistiu e cal é a súa esencia: compartir, achegar, colaborar e provocar a participación. E as mesmas pretensións son as que motivaron "Paisaxes Líquidas", unha paisaxe colectiva e contínua que desenrolaron de xeito conxunto reclusos e reclusas do centro, que as coordinadoras se trouxeron á sala de exposicións e que podemos ver na fotografía, dialogando coas obras pictóricas de Ana Arregui.

 

D3B6FF3E-00C4-44D5-9DF5-EDBE73FAA4BA



[ Unha participante sopra anilinas sobre o papel, no obradoiro "Paisaxes Líquidas"  en Bonxe ]

 

Esta paisaxe emocional froito daexperimentación e a creación colectiva pon fin á edición máis participativa de Estudio Aberto, á máis socialmente implicada. Pola sala de exposicións pasaron nenos e nenas, mozos e mozas, maiores, familias, artistas, comisarios, xornalistas, profesionais de tódolos ámbitos... que foron parte activa da mostra, colaborando cos artistas e poñendo o seu grao de area nas pezas de arte. Ese é o espírito do proxecto: rachar estigmas e prexuízos cara a arte contemporánea a través da experiencia.

 

F087B9B2-56D1-4A07-A115-73F93484D6F7


ORGANIZA | Rede  Museística Provincial  e  Área de  Cultura  e Turismo da Deputación de  Lugo

IMPARTEN | Encarna Lago e Paula Cabaleiro  CONTACTO | 982 242 112 - 699836883 -667823112