O próximo luns, 7 de outubro, na sala multiusos do Museo Provincial de Lugo, vaise inaugurar a exposición MANUEL RODRÍGUEZ LOPEZ, EMIGRANTE GALEGO, POETA OBREIRO
O próximo luns, 7 de outubro, na sala multiusos do Museo Provincial de Lugo, vaise inaugurar a exposición MANUEL RODRÍGUEZ LOPEZ, EMIGRANTE GALEGO, POETA OBREIRO. Esta mostra, que desde o pasado agosto puido verse en Paradela, forma parte do proxecto de difusión da vida e obra do escritor paradelense Manuel Rodríguez López, impulsado por Galicia Digital, do que o primeiro paso foi a web www.manuelrodriguezlopez.com, unha das máis completas que teña un escritor galego, e rematará en próximos anos coa edición da obra completa e unha producción audiovisual.
A exposición está formada por 16 paneis informativos sobre diversos aspectos relativos á vida e obra deste creador galego, do que a maior parte da súa obra veu a luz na emigración catalana. E poderá ser visitada de luns a venres de 9 a 21 h., os sábados de 10,30 a 14 e de 16,30 a 20, e os domingos de 11 a 14h.
Na inauguración van participar o Secretario Xeral de Política Lingüística, Valentín García; o Deputado de Cultura, Mario Outeiro; o Alcalde de Paradela, Xosé Manuel Mato; e a Concelleira de Cultura de Lugo, Carmen Basadre, ademais de Santiago Rodríguez, fillo do homenaxeado, no nome da familia e Antonio Giz, Director de Galicia Digital.
Durante o San Froilán, unha aula informativa itinerante circulará por Lugo difundindo as actividades do PROXECTO MANUEL RODRÍGUEZ LÓPEZ que, impulsado por Galicia Digital, conta coa especial colaboración da Familia do escritor, e o apoyo do Concello de Paradela, Xunt de Galicia, Deputación Provincial de Lugo, e Concello de Lugo.
Comentarios
Publicar un comentario