Free counter and web stats

viernes, 5 de abril de 2013

HISTORIAS DE HOMES E MULLERES NA REDE MUSEÍSTICA

E

Historias de Mulleres e homes na Rede Museística


Con motivo do Día Internacional da Muller, comezouse a traballar nesta actividade prevista para visibilizar o Día Internacional dos Museos o 18 de maio cuxo eixo principal era nun inicio salientar a figura feminina a través da creación de historias inspiradas nas obras e obxectos de cada un dos catro Museos da Rede Museística:
Museo Provincial de Lugo
Museo do Mar en San Cibrao
Pazo de Tor en Monforte de Lemos
Museo-Fortaleza San Paio de Narla en Friol
Nunha fase previa de traballo de campo estanse recollendo desde entón multitude de relatos, poemas, cancións, fotografías e vídeos que falan da muller en tódalas facetas posibles: que traballa, que coida, que ri, que crea, que espera,… Un total de 785 historias nos catro museos.
Queremos agradecer a participación de colectivos de artistas ,de persoas con capacidades diferentes , asociacións de mulleres do ámbito rural e mariñeiro como ALUME, COGAMI Lugo, ASPNAIS, AFAMON, AUXILIA Monforte, Asoc. de Mulleres de San Cibrao, Mulleres Redeiras "Cabo Burela" e A Mariña COGAMI.
Mañá estaremos dentro do traballo de campo que se esta a facer no Museo de San Paio de Narla baixo a coordinación de Francisca Abuín traballando historias de mulleres no ambito rural.
Nesta nova fase traballando o concepto de Museo aberto (un museo para todos, un museo enfocado aos seus públicos, un museo enfocado a diversidade, un museo que vai hacia unha sociedade de saberes multiples, donde traballamos o coñecemento compartido)
A través de este proxecto de Contidos Revertidos do Museo buscamos a participación de todo tipo de públicos:
Que sintes cando te achegas aos museos da Rede?
Que te inspira este obxeto?
Que pensas da validez das miradas sobre os obxetos?
Sintes que formas parte deste museo?
Gustaríache compartir a túa mirada con nos?
Envía os teus traballos a xerencia@museolugo.org antes do día 10 de maio.
O 18 de maio, con motivo do Día Internacional dos Museos, vanse presentar estas Historias de Mulleres o Museo da Rede, serán presentados por Pilar Sánchez, coordinadora da actividade xunto a Encarna Lago , xerente da Rede.
[Mª Encarnación Lago González, xerente da Rede Museística Provincial de Lugo]