Free counter and web stats

sábado, 26 de marzo de 2011

EDICIÓN CRÍTICA DO PRIMEIRO CANCIONEIRO GALEGO "Ayes de mi Pais" no Pazo de Tor

E
Ayes de mi Pais
EDICIÓN CRÍTICA DO PRIMEIRO CANCIONEIRO GALEGO

"Ayes de mi Pais" no Pazo de Tor

04/01/2011
Este sábado 8 de xaneiro preséntase "Ayes de mi Pais" de Marcial de Valladares, o primeiro cancioneiro musical galego coa edición crítica recentemente publicada por José Luis do Pico Orjais e Isabel Rei en Dos Acordes. A presentación será no Pazo de Tor (Monforte) ás 20 .30 h. Haberá un recital de guitarra de Isabel Rei interpretando pezas do cancioneiro.
O Pazo de Tor, nas inmediacións de Monforte, acollerá a presentación do 1º Cancioneiro galego de musical, coetánea de pezas populares até agora inédito na súa versión completa. Precisamente nos ambientes da fidalguía pacega foi onde se desenvolveron as sensibilidades e se reinterpretaban estes temas nas soirées ou veladas musicais a mediados do século XIX, moi á moda europea nesta altura. Por esta razón haberá un pequeno concerto de guitarra no acto de presentación.

Marcial Valladares e a súa familia, mantiñan esta costume no seu pazo de Vilancosta (A Estrada) e froito das recolleitas de campo sobre o folkore galego e a súa relación con outros intelectuais e músicos da época, conseguiu formar unha colección de cantigas e melodías moi ricas que nunca se publicaron na súa integridade e que agora ven a luz nunha exhaustiva edición do historiador José Luis do Pico Orjais e a da intérprete e investigadora Isabel Rei. Unha publicación moi completa cunha ampla contextualización histórica e material gráfico así como as partituras orixinais e unha transcrición moderna das mesmas.


Marcial Valladares (1821-1903) foi xornalista, poeta, novelista e lexicógrafo galego.
Autor do famoso Diccionario gallego-castellano (1884) con 11.000 verbas que recolleu entre 1850 e 1884, ao que incorporou como referencia 240 cántigas e 460 textos en prosa, na súa maioría literatura popular.
No ano 1970 a Real Academia Galega adicaralle o "Día das Letras Galegas". O 'Señor de Vilancosta' foi, sen dúbida, un dos escritores máis prolíficos do Rexurdimento. Como novelista foi o primeiro en publicar en galego (“Maxina ou a filla espúrea”), obra inicial da narrativa galega.

José Luis do Pico Orjais, é mestre, músico e historiador. Foi Profesor de Teoría e Método do Conservatorio Folque de Lalín, fundador do grupo Leixaprén e membro habitual do grupo de Maria Manuela. Autor de numerosas conferencias sobre o folclore e o, ten publicado diferentes artigos en revistas especializadas sobre patrimonio musical e historiografía dos cancioneiros galegos, tendo publicado a edición crítica do cancioneiro de Inzenga.
http://ilhadeorjais.blogspot.com/

Isabel Rei Sanmartim é profesora de guitarra no Conservatorio Superior de Música da Coruña. Intérprete profesional e internacional (Bélxica, Alemaña, Italia, Portugal,..) e gañadora de numerosos premios para o seu instrumento.
http://isabelrei.com/