Free counter and web stats

martes, 13 de abril de 2010

ADEGA E A USC CONVÍDANTE ÁS XORNADAS "AMBIENTE E SOCIEDADE NA GALIZA" PARA CONMEMORAR O DÍA DA TERRA 2010 (DO 15 AO 22 DE ABRIL)

E

ADEGA E A USC CONVÍDANTE ÁS XORNADAS "AMBIENTE E SOCIEDADE NA GALIZA" PARA
CONMEMORAR O DÍA DA TERRA 2010

(DO 15 AO 22 DE ABRIL)

O 22 de abril celébrase mundialmente o Día da Terra, no que se lembra a
responsabilidade social e de cada un de nós no coidado e protección do
planeta. Por este motivo, ADEGA e a Escola Politécnica Superior de Lugo
(EPS) van celebrar unha semana de concienciación ecolóxica a favor da Terra
Nai, a través das Xornadas "AMBIENTE E SOCIEDADE NA GALIZA, que tratarán de
achegar á cidadanía á problemática ambiental galega e global e,
nomeadamente, algúns dos instrumentos ou accións para afrontala.

Faremos un chamado especial á solidariedade coa Terra e unímonos á campaña
da "Minka pola Nai Terra" lanzado polo presidente de Bolivia, Evo Morales,
para convocar á cidadanía ao Día da Terra, como acto de rexeitamento aos
danos que está a sufrir o Planeta e os pobos indíxenas, logo de quedar
representada a falta de vontade internacional tras o fracaso do Cumio de
Copenhague contra o cambio climático. "Minka" significa o traballo
comunitario que se fai sen cobrar.

MESAS REDONDAS (cartaz adxunto).

As xornadas da USC e ADEGA inclúen a realización de dúas mesas redondas os
días 15 e 22 de abril, respectivamente, que terán lugar na Escola
Politécnica Superior do Campus de Lugo. A primeira versará sobre "A
lexislación como ferramenta na defensa ambiental de Galiza", e nela
participarán o Fiscal de Medio ambiente de Galiza, Álvaro Ortiz; o avogado
de ADEGA, Apolinar Gómez; e a profesora de Dereito Ambiental na USC, Alba
Nogueira. Todos eles tratarán de analizar a situación ambiental do país
desde o punto de vista xurídico, dando conta das dificultades e
oportunidades, tanto do poder xudicial como da sociedade para facer cumprir
a lexislación ambiental. Terá lugar o día 15 de abril, no Salón de Actos da
EPS, ás 19.30 horas da tarde.

A segunda mesa redonda celebrarase o propio Día da Terra, 22 de abril, ás
12.00 horas tamén no Salón de Actos da EPS de Lugo, baixo o título "Cambio
Climático: accións e percepción desde Galiza". Nesta ocasión, tratarase de
analizar a forma en que a sociedade galega percibe a mudanza climática e as
posibles accións individuais e colectivas que se poden exercer para
contribuír ao freo do quecemento global. Intervirán nesta mesa redonda
Emilio Fernández, ex director xeral de desenvolvemento sostible na
Consellaría de Medio Ambiente e actual membro do Departamento de Ecoloxía e
Bioloxía Animal da Universidade de Vigo; Dora Branco, Directora da Oficina
de Sustentabilidade da USC e Jacobo Feijóo, Secretario de Desenvolvemento
Rural e Forestal de Unións Agrarias (UUAA-UPA).

MESA INFORMATIVA

Desde o 15 de abril ata o 22 de abril, ADEGA coa colaboración da USC,
divulgará a súa actividades a través de mesas informativas que estarán
expostas os días 15, 19, 20 e 21 de abril no edificio da cafetería da Escola
Politécnica, de mañá (de 12 h. a 14 h.) e tarde (de 17h. a 19 h.). Tamén se
prevé que se fagan proxeccións visuais das actividades e funcións que está a
desenvolver ADEGA na actualidade, así como de problemáticas ambientais
existentes, tanto na provincia de Lugo, como no resto de Galiza.

Para máis información: 982240299 ou 680903203.

No virus found in this incoming message.
Checked by AVG - www.avg.com
Version: 8.5.437 / Virus Database: 271.1.1/2805 - Release Date: 04/11/10 18:32:00


image005.jpg


image006.png