Free counter and web stats

martes, 25 de agosto de 2009

Rumbo Norte II- xogos aire libre-25-8-2009

E
Probas da ginkana
¡Tócao todo!
Cada neno levará pegada unha imaxe dun animal mariño. O xogo consiste en que un dos monitores dirá o nome dun deses animais deste xeito: ¡Toca mexilón!. Nese intre, tódolos rapaces deben tocar, o más rápido posible, ó compañeiro que leve pegada a imaxe dese animal. Así ata que saian todos.
¡Todos a bordo!
Xógase en grupos de 4 ou 5 nenos, uns agarrados ás costas dos outros e cos ollos pechados menos o último que conduce. Cada grupo é un barco que parte co destino que os rapaces queiran elexir
O capitán que dirixe o barco, ten un sistema de ordes que debe empregar:
ü Un golpe nas costas, o barco navega recto cara adiante: “Avante toda”.
ü Dos golpes nas costas, o barco bota a áncora e fondea.
ü Tres golpes nas costas, o barco navega marcha atrás: “Atrás toda”.
ü Un golpe no ombreiro dereito, o barco vira a estribor.
ü Un golpe no ombreiro esquerdo, o barco vira a babor.
Cando o capitán berra ¡CAMBIO!, toda a tripulación se separa e intentan formar un novo barco con compañeiros doutros grupos.

Soga-tira
Consiste en tirar da corda co teu equipo mentres outro equipo tira desde o lado contrario. Unha raia marcada na area separa ós dous equipos e cada un deles ten que intentar que o outro equipo a pise.



Carreiras con vasos de auga
Fanse dous equipos. Na liña de saída hai unha cubeta baleira no outro extremo unha chea de auga. O primeiro neno corre cun vaso baleiro ata a cubeta chea, éncheo de agua e volve para botala na cubeta baleira. Logo dalle o vaso ó segundo membro do seu equipo, e así sucesivamente, por quendas, ata conseguir encher a cubeta do equipo.