Cuarta conferencia do ciclo A Arqueoloxía e o Mar. Navegando na nosa historia . No verán contaremos con maís conferencias
03/05/2013 Cuarta conferencia do ciclo A Arqueoloxía e o Mar. Navegando na nosa historia
O venres, 24 de maio, ás 19:00 horas, continúa o ciclo “A Arqueoloxía e o Mar: Navegando na nosa historia”, cunha conferencia a cargo de Víctor Bejega García e Eduardo González Gómez de Agüero baixo o título "De piscatores a mareantes: Evidencias arqueolóxicas de pesca e marisqueo en Punta Atalaia (San Cibrao, Cervo)"". Estes relatorios teñen por obxectivo valorar o papel do mar ao longo da nosa historia. Organizan Marián Cueto (Instituto Internacional de Investigacións Prehistóricas de Cantabria, IIIPC) e Edgard Camarós (Instituto Catalán de Paleoecoloxía Humana e Evolución Social, IPHES), e patrocinan a Área de Cultura e Turismo da Deputación de Lugo e a Rede Museística Provincial, .
ENTRADA DE BALDE. (>> Cartaz)
A Arqueoloxía e o Mar: Navegando na nosa historia
Introdución O obxectivo deste ciclo de conferencias é valorar o papel que o mar tivo ao longo da evolución humana, non só nos momentos máis recentes da historia, senón xa dende a Prehistoria. O mar sempre estivo presente como fonte de recursos, proporcionou alimentos dende a prehistoria, serviu como vía de comunicación dende a antigüidade, e é unha fonte inesgotable de sorpresas na actualidade en tanto que esconde unha parte da nosa historia, pecios afundidos, covas que foron habitadas antes da transgresión mariña, restos de batallas. Por iso, eliximos unha serie de profesionais cuxos estudos abranguen cronoloxías diversas, de maneira que, con este ciclo, poidamos cubrir un período amplo, así como temas variados, dende investigacións sobre os recursos mariños ata prospeccións subacuáticas. Conferenciantes Pau Sureda Torres.- Universitat Pompeu Fabra, Barcelona. Investiga o mundo fenicio no mediterráneo. Ignacio Crespo Liñeiro.- Empresa Argos (A Coruña). Realiza prospeccións subacuáticas na Mariña e descubriu recentemente varios pecios afundidos nas rías de Ribadeo e Viveiro. Edgard Camarós.-Institut Català de Paleoecologia Humana i Evolució Social. A súa investigación céntrase no Plistoceno final. Víctor Bejega García.- Universidade de León. Realizou as escavacións do Faro de San Cibrao e o estudo dos restos mariños encontrados. Esteban Álvarez Fernández.- Universidade de Salamanca. Especialista en recursos mariños, estuda os restos encontrados en depósitos arqueolóxicos de época prehistórica. Calendario 1ª conferencia: venres, 8 de febreiro, ás 19.00 h. Pau Sureda: O comercio e a navegación fenicia no Mediterráneo antigo. 2ª conferencia: venres, 8 de marzo, ás 19.00 h. Edgard Camarós: Océanos de humanidade. O papel do mar na evolución humana. 3ª conferencia: venres, 5 de abril, ás 19.00 h. Ignacio Crespo Liñeiro: O pecio de Xove. Un exemplo da riqueza patrimonial sumerxida na Mariña Lucense. 4ª conferencia. venres, 24 de maio, ás 19.00 horas. Víctor Bejega García e Eduardo González Gómez de Agüero baixo o título "De piscatores a mareantes: Evidencias arqueolóxicas de pesca e marisqueo en Punta Atalaia (San Cibrao, Cervo)". |
Comentarios
Publicar un comentario