actos conmemorativos do 125 aniversario do pasamento da poetisa, a entrega do PREMIO ROSALÍA DE CASTRO PARA EXPERIENCIAS PEDAGÓXICAS
DEPUTACIÓN DE LUGO
VICEPRESIDENCIA
Área de Cultura
San Marcos, 8 - 27001 LUGO Telf: 982 26 00 00 /Fax: 982 26 01 65
Praza da Soidade, s/n. - 27001 LUGO Telf.: 982 24 21 12 - Fax: 982 24 02 40 info@museolugo.org /www.museolugo.org
NOTA DE PRENSA
Acto de entrega do Premio Rosalía de Castro para Experiencias Pedagóxicas ao proxecto 'Follas novas, Novas follas' da Rede Museística da Deputación de Lugo
Mañá, xoves, 15 de xullo, a partir das 20:00 h. terá lugar na Casa Museo de Rosalía de Castro, en Padrón, no marco dos actos conmemorativos do 125 aniversario do pasamento da poetisa, a entrega do PREMIO ROSALÍA DE CASTRO PARA EXPERIENCIAS PEDAGÓXICAS que recaeu esta vez no unidade didácticaica do proxecto pedagóxico 'Follas novas, Novas follas' desenvolto por tres dos museos da Rede Museística da Deputación de Lugo (Museo Provincial do Mar, Museo Etnográfico de San Paio de Narla e Pazo de Tor)
Este galardón creado pola Fundación Rosalía de Castro e patrocinado pola Consellería de Educación, Dirección Xeral de Política Lingüística e Concello de Santiago, pretende potenciar o coñecemento de Rosalía e da súa obra, referencia imprescindible na formación integral dos escolares.
O xurado avaliou a metodoloxía empregada, o material de apoio, a idoneidade da selección de contidos, a escolla dos textos rosalianos, o carácter innovador, a atención á diversidade, o emprego de novas tecnoloxías e a implicación de toda a comunidade educativa.
Ao acto asistirá en represenatción da Rede Museística a súa xerente, Encarna Lago González, xunto cunha ampla representación de pais e nais, alumnos e persoal dos museos que interviron na execucción e nas distintas fases do proxecto.
"Follas Novas. Novas Follas é un proxecto de intercomunicación dos museos da Rede Museística da Deputación de Lugo coa sociedade no que participan profesorado e alumnado de diversos centros escolares, xunto con pais e nais ,avos , avoas.
Un experimento comunicativo que pretende, como grande obxectivo, o achegamento dos máis novos ao marabilloso mundo da lectura, unha excelente forma de homenaxear a Rosalía de Castro, lendo e analizando a súa obra para educar en valores neste ano que a Unesco dedica ao achegamento entre culturas.
TODA A INFORMACIÓN SOBRE O PROXECTO: FOLLAS NOVAS, NOVAS FOLLAS
Follas Novas (web): http://www.wix.com/redemuseistica/follas-novas
TODA A INFORMACIÓN SOBRE O PROXECTO: FOLLAS NOVAS, NOVAS FOLLAS
Follas Novas (web): http://www.wix.com/redemuseistica/follas-novas
Follas Novas na web dos museos da Rede Museística:
Lugo, 14 de xullo de 2010
Saúdos
Xerencia Rede Museística
Tfn.. 982 24 21 12 / 620 280 203 / xerencia@museolugo.org
Comentarios
Publicar un comentario