Free counter and web stats

viernes, 26 de marzo de 2010

IMPORTANTE PAZO DAS MUSAS SOBRE O LEGADO DE DON ALVARO GIL VARELA

E
Onte vivimos un momento histórico na Revista Oral  "O Pazo das Musas" no seu número 21.
 Parabéns a cantos participaron nela.Quero agradecer  pola parte que me corresponde como Xerente da Institución a cantos no día de onte nos acompañaron.
Estou orgullosa de formar parte dun colectivo o que lle importa o seu traballo, que lle importan as súas coleccións os que lle importa o seu Museo.
Onte demostramos o  moito que nos importa o Museo de Lugo e a quen lle importa como traballadores ou ex traballadores da institución.
Magnificas intervencións de Felipe Arias(Ex Director do Museo de Lugo), Charo Fernández, Ofelia Carnero, Fernando Arribas, Enrique Alcorta e Antonio Reigosa .

Para esta ocasión Antonio Reigosa deseñou  un atinado contido específico, dedicado monograficamente a dar a coñecer o Legado de don Álvaro Gil Varela.
Este museo, como moitos outros museos públicos, débelle moito á vontade de filántropos que merecen un recoñecemento tanto da sociedade como das institucións públicas depositarias da súa herdanza. Esta revista oral comeza con este número a facer efectivo ese recoñecemento aos grandes benfeitores do Museo Provincial de Lugo, dedicando este número a divulgar a aportación dun dos seus mecenas máis preclaros: Álvaro Gil Varela.