Free counter and web stats

sábado, 20 de marzo de 2010

convocatoria aberta pola REAJ está dirixida a artistas plásticos menores de 35 anos

E

O COMPLEXO XUVENIL DE LUGO É SELECCIONADO PARA IMPLANTAR O PLAN DE MOBILIDADE CREATIVA DA REDE ESPAÑOLA DE ALBERGUES

Imaxe principal do artigo ou noticia

Só cinco centros de toda España, entre eles o xestionado pola Dirección Xeral de Xuventude e Voluntariado, participarán nesta iniciativa estatal O proxecto ten como finalidade promover e estimular a creación artística dos mozos e mozas dentro dos parámetros da arte actual

O complexo xuvenil LUG II, dependente da Dirección Xeral de Xuventude e Voluntariado, ten sido seleccionado para implantar o Plan de Mobilidade Creativa da Red Española de Albergues Juveniles (REAJ).



Só cinco centros de toda España, entre eles o emprazado na capital lucense, foron escollidos para desenvolver a primeira fase deste proxecto que ten como obxectivo fomentar a mobilidade entre a mocidade creativa de todo o territorio nacional. En concreto, os mozos e mozas que se despracen ata Lugo intervirán en iniciativas de creación multidisciplinar vinculados á figura do albergue e a cidade onde se asinta. 



A convocatoria aberta pola REAJ está dirixida a artistas plásticos menores de 35 anos. Entre os mozos e mozas que se apunten, a Red Española de Albergues Juveniles escollerá a entre 40 e 50 creadores que serán os que interveñan nos proxectos multidisciplinares que se desenvolverán nos albergues xuvenís de Lugo, Zaragoza, Miranda de Ebro, Córdoba e Vic. 



A convocatoria aberta pola REAJ está dirixida a artistas plásticos menores de 35 anos. Entre os mozos e mozas que se apunten, a Red Española de Albergues Juveniles escollerá a entre 40 e 50 creadores que serán os que interveñan nos proxectos multidisciplinares que se desenvolverán nos albergues xuvenís de Lugo, Zaragoza, Miranda de Ebro, Córdoba e Vic. 



En cada unha das cidades reuniranse 10 persoas de distintas disciplinas artísticas. A REAJ facilitará o desprazamento, o aloxamento e a manutención dos artistas seleccionados, así como o custe de produción de cada un dos proxectos cun máximo de 750 euros por artista. 



As persoas interesadas en participar na iniciativa poderán presentar as súas solicitudes ata o próximo día 31 de marzo. As bases da convocatoria pódense consultar na páxina web da Dirección Xeral de Xuventude e Voluntariado www.xuventude.net. 



A finalidade última do plan é promover e estimular a creación artística dos mozos e mozas dentro dos parámetros do arte actual, preferentemente nas disciplinas de pintura, escultura, debuxo, fotografía, vídeo, instalación, videoarte, arte urbano, arte electrónico, performance ou música, entre outras tendencias